అంబా శాంభవి చంద్రమౌళిరబలా పర్ణా హ్యుమా పార్వతీ
కళీ హైమవతీ శివా త్రినయనీ కాత్యాయనీ భైరవీ,
సావిత్రీ నవయౌవనా శుభకరీ సామ్రాజ్యలక్ష్మీప్రదా
చిద్రూపీ పరదేవతా భగవతీ శ్రీరాజరాజేశ్వరీ.
అంబా మోహిని దేవతా త్రిభువనీ హ్యానందసందాయినీ
వాణీ పల్లవపాణి వేణుమురళీగానప్రియాలోలినీ,
కళ్యాణీ హ్యుడురాజబింబవదనా ధూమ్రాక్షసంహారిణీ
చిద్రూపీ పరదేవతా భగవతీ శ్రీరాజరాజేశ్వరీ.
అంబా నూపురరత్నకంకణధరీ కేయూరహారావళీ
జాతీచంపక వైజయంతిలహరీ గ్రైవేయకై రాజితా,
వీణావేణువినోదమండితకరా వీరాసనే సంస్థితా
చిద్రూపీ పరదేవతా భగవతీ శ్రీరాజరాజేశ్వరీ.
అంబా రౌద్రిణి భద్రకాళి బగళా జ్వాలాముఖీ వైష్ణవీ
బ్రహ్మాణీ త్రిపురాంతకీ సురనుతా దేదీప్యమానోజ్జ్వలా,
చాముండా శ్రితరక్షపోషజననీ దాక్షాయణీ వల్లభీ
చిద్రూపీ పరదేవతా భగవతీ శ్రీరాజరాజేశ్వరీ.
అంబా శూలధనుః కుశాంకుశధరీ హ్యర్థేందుబింబాధరీ
వారాహీ మధికైటభప్రశమనీ వాణీ రమాసేవితా,
మల్లాద్యాసురమూకదైత్యదమనీ మహేశ్వరీ చాంబికా
చిద్రూపీ పరదేవతా భగవతీ శ్రీరాజరాజేశ్వరీ.
అంబా సృష్టివినాశపాలనకరీ హ్యార్యా విసంశోభితా
గాయత్రీ ప్రణవాక్షరామృతరస: పూర్ణానుసంధీకృతా,
ఓంకారీ వినతాసుతార్చితపదా హ్యుద్దండదైత్యాపహా
చిద్రూపీ పరదేవతా భగవతీ శ్రీరాజరాజేశ్వరీ.
అంబా శాశ్వత ఆగమాది వినుతా హ్యార్యా మహాదేవతా
యా బ్రహ్మాది పిపీలికాంత జననీ యా వై జగన్మోహినీ,
యా పంచప్రణావాదిరేఫజననీ యా చిత్కళామాలినీ
చిద్రూపీ పరదేవతా భగవతీ శ్రీరాజరాజేశ్వరీ.
అంబా పాలితభక్తరాజరనిశం చాంబాష్టకం యః పఠేత్
అంబా లోకకటాక్షవీక్షలలితా చైశ్వర్యమవ్యాహతమ్,
అంబా పావనమంత్రరాజపఠనాదంతే చ మోక్షప్రదా
చిద్రూపీ పరదేవతా భగవతీ శ్రీరాజరాజేశ్వరీ.
ఇతి శ్రీరాజరాజేశ్వర్యష్టకం సంపూర్ణం.
No comments:
Post a Comment